Фото: Қызылорда қаласының әкімдігі
Бүгін яғни, қараша айының тоғызыншы жұлдызында облыс әкімінің тапсырмасына сәйкес, облыс әкімінің орынбасары Бақыт Жаханов пен қала әкімі Нұржан Ахатов Президент саябағында жүргізіліп жатқан абаттандыру және инфрақұрылымды жетілдіру жұмыстарымен танысты.
Жұмыс барысын мердігер мекеме өкілі таныстырып, жобадағы атқарылып жатқан шаралар туралы ақпарат берді. Құрылыс аумағын аралаған Бақыт Жаханов пен Нұржан Ахатов мердігерге жұмыс темпін бәсеңдетпей, нысанды белгіленген мерзімде әрі сапалы орындауды тапсырды.
Айта кетейік, жоба аясында Сырдария өзенінің үстінен Президент саябағын Астана шағын ауданымен жалғайтын жаяу жүргіншілер көпірі де салыну жоспарлануда.
