Фото: Өңірлік Коммуникациялар қызметі
Қызылорда қаласында инновация мен шығармашылықты бір арнаға тоғыстырған «InnoFest 2025» жастар фестивалі аяқталды. Биылғы шараға еліміздің түрлі өңірлерінен 1600-ге жуық жас қатысушы келіп, өз жобаларын таныстырды.
Фестиваль үш бағытта өтті:
- Жасанды интеллект (AI) – 72 жоба
- Бағдарламалық жасақтама – 71 жоба
- Кино & Видео – 95 жоба
Ең белсенді бағыт – Кино & Видео.
Жарыс нәтижесінде үздік жұмыстарға 5,4 млн теңге жүлде қоры табысталды. Сонымен қатар Astana IT University, Халықаралық IT университеті, Қорқыт Ата атындағы Қызылорда университеті, Болашақ университеті және Ашық университеті жас таланттарға білім гранттарын ұсынды.
Бас жүлде иегерлері:
- Software Development – Extrnos
- AI – Сұрыптаушы қоқыс жәшігі
- Кино & Видео – Фрилансер
InnoFest 2025 Қызылорда жастарының талантын, инновациялық ойлау қабілетін және шығармашылық мүмкіндігін айқын көрсетті. Фестиваль аясында түрлі бағыттағы үздік жобалар таныстырылып, жеңімпаздар қаржылай қолдауға ие болды. Сондай-ақ, бірқатар қатысушыларға оқу гранттары беріліп, олардың болашақтағы дамуына жол ашылды. Жалпы, шара өңірдің технологиялық әлеуетін арттырып, жаңа идеялар үшін маңызды платформаға айналды.
Фестиваль өңір жастарының инновациялық әлеуетін дамытып, Қызылорданың жаңа мүмкіндіктерге ашық аймақ екенін көрсетті.
