Фото: Қызылорда қаласының әкімдігі
Тұрғындардың талап-тілектерін тыңдап, өзекті мәселелердің шешілуіне қолдау көрсету мақсатында шаһар басшысы Нұржан Ахатов «Amanat» партиясының қалалық филиалында азаматтарды жеке қабылдады. Қабылдау барысында қала тұрғындары негізінен жұмыспен қамту, әлеуметтік жәрдемақылар және атаулы әлеуметтік көмек тағайындау тәртібі жөніндегі сұрақтарын көтерді. Сонымен қатар баспанамен қамту, жол мен газ желілерін жүргізу, жарықтандыру, кәсіпкерлікті қолдау сияқты күнделікті тұрмысқа тікелей әсер ететін мәселелер де назарға ұсынылды.
Қала әкімі Нұржан Сәбитұлы әрбір өтінішті жеке қарап, барлық мәселелер тиісті мамандардың егжей-тегжейлі тексеруінен өтетінін және заң талаптарына сәйкес нақты шешімдер қабылданатынын атап өтті. Оның айтуынша, ашықтық пен жариялылық — халықпен тиімді байланыс орнатудың негізгі принциптері. Сондықтан алдағы уақытта тұрғындар көтерген уәждер жан-жақты зерделеніп, салалық бөлімдермен бірлесіп қажетті шаралар жүзеге асырылатын болады.
