Бүгін Қызылорда қаласында заманауи талаптарға сай жабдықталған «Balausa Kids Land» бөбекжай-бақшасы өз есігін айқара ашты.
Жаңа бөбекжай-бақшада бүлдіршіндердің білімін ерте жастан дамытуға арналған барлық жағдай жасалған. Мұнда балалар ойын арқылы ойлау қабілетін дамытатын робототехника мен LEGO-конструкторларымен танысып, сонымен қатар шығармашылық, музыка, спорт және әлеуметтік дағдыларын жетілдіретін бағдарламалар енгізілген.
Шараның шымылдығы кішкентай бүлдіршіндердің ұлттық биімен түрілді. Шараға ата-аналар, қала тұрғындары және қоғам өкілдері қатысты. Салтанатты жиында ҚР Журналистер одағының мүшесі, Қызылорда қаласының құрметті азаматы Ж. Таңрықбаев сөз сөйлеп, ұжымға ізгі тілегін білдіріп, бата берді.
Рәсім барысында бөбекжайдың қызыл лентасы қиылып, шашу шашылды. Қуанышты сәтке БАҚ өкілдері де қатысып, жаңа нысанның ашылуын көпшілікке жеткізді.
Жаңа бөбекжай-бақшаның ашылуы – Қызылорда қаласында балабақша желісін кеңейтіп, бүлдіршіндердің сапалы білім мен тәрбиемен қамтылуын арттыру бағытындағы игі бастамалардың бірі болып отыр.
«Balausa Kids Land» — бүлдіршіндердің жарқын болашағының бастау бұлағы болады деп сенеміз.
