Фото: Қызылорда облысының дене шынықтыру, спорт және туризм басқармасы
Қызылорда қаласының ғасырлық мерейтойына тамаша тарту.
Елордада ҚР Парламенті Мәжілісінің ұйымдастыруымен 25 қазан – Республика күніне орай бұқаралық ақпарат құралдары өкілдері арасында шағын футболдан «Majilis Cup – 2025» республикалық турнирі өтті.
Төртінші мәрте ұйымдастырылған доп додасына еліміздің барлық өңірінен келген 20-ға жуық команда қатысты. Сол командалардың ішінен ерекше ойын өрнегін көрсеткен қызылордалық «Ақмешіт» футбол командасы бірінші орынды жеңіп алды.
Жалпы жарыс нәтижесінде «Ақмешіт» командасы (Қызылорда) І орынды жеңіп алса, «AsNews» командасы (Астана) ІІ орын, «KFF Media» командасы (Астана) ІІІ орынды иеленді.
