Фото: Қызылорда қаласының әкімдігі
Қызылорда қаласында «Еңбек мерейі – ел құрметі» тақырыбында мерекелік кеш өтті. Шараға қала әкімі Нұржан Ахатов пен қалалық мәслихат төрағасы Ибадулла Құттықожаев қатысты. Кеште Нұржан Сәбитұлы Мемлекет басшысының Қызылорда облысына жасаған сапары мен экологиялық акцияларға белсене қатысқан азаматтарға алғыс білдірді.
Салтанатты шарада облыс әкімі Нұрлыбек Нәлібаевтың қолдауымен еңбек еткен мамандар марапатталды. Әлеуметтік нысандардың артуы, инфрақұрылымдық жобалардың жүзеге асуы және «Таза Қазақстан» бағдарламасы бойынша Қызылорда еліміздегі ең таза қалалар көшін бастады. Концерттік бағдарлама қатысушылардың көңілін көтеріп, салтанатты кештің сәнін келтірді.
