2 наурыз күні Облыстық ардагерлер кеңесінің кеңейтілген алқа отырысы өтті. Алқа отырысын Облыстық ардагерлер кеңесінің төрағасы Серік Әбішұлы Дүйсенбаев ашты. Алқа отырысына облыс әкімінің орынбасары Д. Жаналинов қатысып, сөз сөйледі.
«Жаңартылған Конституция – тұрақты дамудың негізі» тақырыбы бойынша Облыстық ардагерлер кеңесінің алқа мүшесі Б. Нұртазаевтың баяндамасы тыңдалды.
Баяндама бойынша ауыл шаруашылығы саласы ардагерлер кеңесінің төрағасы Н.Ұлықпанұлының, Облыстық ардагерлер кеңесінің пленум мүшесі Б. Еламановтың және Облыстық ардагерлер кеңесінің пленум мүшесі, Ішкі істер саласы ардагерлер кеңесінің төрағасы Ә. Шаймағанбетовтың сөздері тыңдалды.
«Облыстық ардагерлер кеңесінің 2025 жылы атқарған жұмыстары мен алдағы міндеттері туралы» Облыстық ардагерлер кеңесі төрағасының орынбасары Ж. Әлиевтің хабарламасы тыңдалды.
Баяндама бойынша Облыстық ардагерлер кеңесінің пленум мүшесі Ә.Тоқтыбаевтың, Облыстық ардагерлер кеңесінің Әжелер алқасының төрайымы Р.Қалжанованың, Шиелі кенті ардагерлер кеңесінің төрағасы Б. Күлімбеттің сөздері тыңдалды.
«Қызылорда облыстық ардагерлер кеңесінің 2026 жылға арналған жұмыс жоспарын бекіту» мәселесі бойынша облыс ардагерлер кеңесінің төрағасы С.Ә.Дүйсенбаев сөйлеп, түсіндірме жасады.
Қызылорда облыстық ардагерлер кеңесінің тұрақты комиссия төрағалары мен мүшелері бекітілді. Бұл жөнінде Облыстық ардагерлер кеңесінің жауапты хатшысы М.Баекеев сөйледі.
Алқа отырысының соңында елге еңбегі сіңген бір топ ардагерлер марапатталды.
Жүзбай ТАҢРЫҚБАЕВ,
Облыстың Құрметті Ардагері.
