Фото: Өңірлік Коммуникациялар Қызметі
Қызылордада облыс әкімінің қолдауымен өтетін мерейтойлық 5-ші «Inno.Fest Qyzylorda 2025» инновациялық жобалар фестивалі басталды.
Inno.Fest Qyzylorda – «Software Dev», «AI», «Movies&Video» бағыттары бойынша 24 сағат ішінде идеядан прототипке дейін ІТ саласында жоба жасауға бағытталған ерекше форматтағы іс-шара.
Фестивальдің басты мақсаты – өңірдің дамуына серпін беретін инновациялық идеяларды қолдап, ІТ саласына қызығушылық танытқан жастардың жобаларын қаржыландыру мүмкіндігін беру және жаңа дарындарды таныту.
Биылғы шараға өңірдің шалғай ауылдарындағы жастарды тарту мақсатында 13-16 қазан аралығында Inno.Fest Roadshow кездесулері ұйымдастырылды.
Жүлде қоры – 5 400 000 теңге!
Сондай-ақ, үздік жобалардың авторларына Халықаралық ІТ университеті, Астана ІТ университеті, Қорқыт Ата университеті, Болашақ университеті, Ашық университеті тарапынан оқу гранттары мен серіктестер атынан бағалы сыйлықтар ұсынылады.
